«Metallýrg» Magnıtogorsk - «Barys» QHL matchyn qaıdan jáne qashan kórýge bolady
ASTANA. QazAqparat - Qurlyqtyq hokkeı lıgasy matchynda astanalyq «Barys» Magnıtogorsk qalasynyń «Metallýrg» komandasymen oınaıdy, dep jazady Sports.kz.
Bul jarys búgin, Astana ýaqytymen saǵat 20:00-de bastalyp, tikeleı kórsetilimi «Qazsport» telearnasynda ótedi.
Eki komandanyń kezdesýi Magnıtogorsk qalasynda 7700 kórermendi syıdyratyn «Arena-Metallýrg» stadıonynda bolady.
1XBET býkmekerlik keńsesi reseılik klýbty jeńiske úmitker dep sanaıdy: Magnıtogorsktyń «Metallýrg» komandasynyń jeńiske jetý koeffıtsıenti 4.32, al «Barystyki» - 3.08. Bolýy múmkin esep: 2:2, buǵan koeffıtsıent - 9.8 bolyp tur.
Atap óteıik, qazirgi kezde «Barys» komandasy Shyǵys konferentsııasynda besinshi oryn alyp otyr, Andreı Skabelkıdiń komandasynyń aktıvinde 69 upaı - negizgi ýaqytta 23 jeńis pen overtaım jáne býllıtter toptamasynda árqaısysynda tórt jeńisten, shaıbalar - 153:123. «Metallýrg» bolsa, 70 upaımen odan bir saty joǵary tur.
