Meta JI zertteýshileriniń sanyn qysqartpaq

ASTANA. KAZINFORM – Meta óziniń Superintelligence Labs bóliminde 600 laýazym ıesin qysqartpaq, dep habarlaıdy Reuters.

Facebook kompanııasynyń habarlaýynsha, bul sharalar jasandy ıntellektimen aınalysatyn bólimdi múmkindiinshe, erkin qımyldaıtyn etýge baǵyttalǵan.

Qysqartý Facebook-tiń Artificial Intelligence Research (FAIR) bólimsheleri men jasandy ıntellekt pen onyń bazasyndadaǵy ónimdermen aınalysatyn qyzmettermen baılanysty, dep habarlady kompanııa.

Alaıda ondaǵan zertteýshi men ınjener jumys isteıtin jáne bolashaq býynnyń JI úlgilerin jasaýmen aınalysatyn jańa TBD Lab baǵarlamasyna qysqartýlardyń qatysy joq.

Qysqartýlar týraly habardy eń birinshi bolyp, kompanııanń ishki habarlaryna silteme jasap Axios basylymy habarlady.

Endi kompanııa qysqartylatyn qyzmetshilerine Meta-nyń ishindegi ózge qyzmetterge aýysýǵa keńes berip otyr.

Meta kompanııasy seısenbi kúni Blue Owl Capital (OWL.N) ınvestıtsııalyq kompanııasymen 27 mlrd dollar kóleminde qarjylyq kelisim jasasty. Bul – kompanııa tarıhyndaǵy eń iri jeke ınvestıtsııalyq mámile bolyp otyr. Qarajat Meta-nyń eń iri derekter ortalyǵyn salýǵa baǵyttalady.

Sarapshylardyń pikirinshe, bul kelisim Meta-ǵa jasandy ıntellekt (AI) salasyndaǵy aýqymdy josparlaryn iske asyrýǵa múmkindik beredi. Sonymen qatar, bastapqy shyǵyndar men táýekelderdiń basym bóligi syrtqy ınvestorlardyń moınyna júktelmek, al kompanııa jobadaǵy menshiginiń az úlesin saqtap qalady.

Osyǵan deıin Qazaqstannyń Meta-men birge JI mamandaryn daıarlaıtyny týraly jazdyq.