Meta Tsýkerbergtiń qaýipsizdigine 14 mıllıon dollar jumsaǵan
ASTANA. KAZINFORM – 2024 jyly Meta Platforms kompanııasynyń negizin qalaýshysy jáne bas dırektory Mark Tsýkerbergtiń qaýipsizdigin qamtamasyz etý úshin kompanııa tarapynan 14 mıllıon dollar jumsalǵan, dep jazdy uza.
AQSh-tyń Baǵaly qaǵazdar jáne bırja jónindegi komıssııasynyń habarlaýynsha, Tsýkerbergtiń jeke ushaǵymen ushýlaryna 2,6 mıllıon dollar tólengen. Jalpy syıaqy tólemderi 2024 jyly 2,8 mıllıon dollarǵa artyp, 27,2 mıllıon dollarǵa jetken.
Osylaısha, ol kompanııadaǵy kez kelgen basqa top-menedjerden kóp tabys tapqan.
Aıta ketý kerek, 2012 jyldan beri Tsýkerbergtiń jyldyq jalaqysy nebári 1 dollardy quraıdy jáne ol bonýs nemese aktsııalar almaıdy. Buǵan qosa, Tsýkerberg pen onyń jary Prıstsılla Chan buryn óz qarajattarynyń 99 paıyzyn qaıyrymdylyqqa jumsaýǵa ýáde etken.
Meta 2024 jyly alǵash ret dıvıdend tóleı bastady. Tórtinshi toqsan qorytyndysy boıynsha ár aktsııa úshin 0,52 dollar tólendi. Tsýkerberg Meta kompanııasynyń shamamen 13 paıyz aktsııasyna ıe jáne jylyna salyqtardy qosa eseptegende 700 mıllıon dollarǵa jýyq dıvıdend alady.
2025 jyldyń basynan beri Meta kompanııasynyń naryqtyq quny 14,3 paıyzǵa azaıyp, 1,27 trıllıon dollarǵa tústi.
Eske sala keteıik, Mark Tsýkerberg buǵan deıin Aq úı Meta-ǵa qysym jasaǵanyn aıtqan bolatyn.