Meta-nyń aktsııalary 13% ósti

NUR-SULTAN. QazAqparat – Amerıkalyq Meta korporatsııasynyń aktsııalary 13% ósti. Tańqalarlyǵy bıyl korporatsııanyń toqsandyq kirisiniń ósimi sońǵy 10 jyldaǵy eń tómengi kórsetkishti, ıaǵnı 7% ($27,91 mlrd) kórsetken. Bul týraly QazAqparat reseılik TASS agenttigine silteme jasap habarlaıdy.

Agenttiktiń málimetterinshe, Meta-nyń qundy qaǵazdarynyń ósýine kompanııanyń jelini belsendi qoldanýshylar týraly toqsanaralyq esebi sebep bolǵan. Onda korporatsııa platformasynda jylyna 1,96 mlrd adam paıdalanatyny aıtylǵan. Bul kórsetkish sarapshylardyń aldyn ala boljamdarynan da asyp tústi. Al bul jarnama berýshiler úshin eń mańyzdy kórsetkish.

Nıý-Iork qor bırjasynyń kórsetkishteri boıynsha, 27 sáýir kúni saýdanyń jabylýy aldynda Meta-nyń aktsııalary 13% artqan.