Meta Instagram, Facebook jáne WhatsApp-ta aqyly fýnktsııalardy iske qosty
ASTANA. KAZINFORM — Meta kompanııasy Instagram, Facebook jáne WhatsApp platformalarynda aqyly Plus jazylymdaryn jahandyq deńgeıde iske qosqanyn jarııalady. Bul týraly 24kg jazdy.
Buǵan deıin bul tarıfter shekteýli testileý kezeńinde bolyp, tek qoldanýshylardyń belgili bir bóligine ǵana qoljetimdi edi.
Jańa jazylymdardyń aı saıynǵy quny:
-
Instagram Plus — 3,99 AQSh dollary;
-
Facebook Plus — 3,99 AQSh dollary;
-
WhatsApp Plus — 2,99 AQSh dollary.
Kompanııa ázirge jańa tarıfterdiń barlyq múmkindigin tolyq jarııalaǵan joq. Degenmen aldyńǵy synaqtar barysynda belgili bolǵandaı, Instagram Plus pen Facebook Plus jazylymdary negizinen Stories (oqıǵalar) fýnktsııalaryn keńeıtýge baǵyttalǵan.
Jazylýshylar:
-
oqıǵalardy ádettegi 24 saǵattyń ornyna 48 saǵatqa jarııalaı alady;
-
qaralymdar boıynsha keńeıtilgen statıstıkaǵa qol jetkizedi;
-
basqa paıdalanýshylardyń oqıǵalaryn anonımdi túrde qaraı alady;
-
ınterfeısti jekelendirý quraldaryn paıdalanady;
-
Facebook pen Messenger ıkonkalaryn ózgerte alady;
-
eksklıýzıvti anımatsııalyq reaktsııalarǵa qol jetkizedi.
Sonymen qatar Meta jasandy ıntellektke arnalǵan Meta AI qyzmetteriniń jańa jazylymdaryn da synaqtan ótkize bastady. Olardyń qatarynda:
-
One Plus,
-
One Premium,
-
One Essential,
-
One Advanced.
tarıfteri bar. Baǵasy aıyna 7,99 dollardan 49,99 dollarǵa deıin ózgeredi.
Kompanııanyń málimetinshe, jańa jazylymdar álem boıynsha kezeń-kezeńimen engiziledi. Sondyqtan olardyń qoljetimdi bolýy ár óńirde ártúrli ýaqytta iske asýy múmkin.
Buǵan deıin Meta Facebook-tiń densaýlyqqa tıgizetin teris áseri jónindegi tól zertteýin jasyrǵanyn jazdyq.
