«Metıý» daýylynan Florıdanyń mıllıondaǵan turǵyny úılerin tastap ketýde
ASTANA. QazAqparat - Sońǵy 10 jyldaǵy eń iri daýyldyń jaqyndaýynan mıllıondaǵan adam Florıda shtatyndaǵy Atlant muhıty jaǵalaýyn tastap ketýde, dep habarlady QazAqparat BBC Reseı qyzmetine silteme jasap.
AQSh daýyldy boljaý ulttyq ortalyǵy daýyldan muhıt tolqynynyń bes metrge deıin kóteriletinin, saldarynan úı-jaılardyń qıraýy múmkindigin eskertti.
«Metıý» daýylynyń qaýip-qater deńgeıi bes baldyq shkalanyń tórtinshi deńgeıine kóterildi. Mundaı kúshti daýyl 2004 jyldan beri Florıda jaǵasynda bolmaǵan.
«Metıý» Florıda jaǵalaýynyń ortalyq jáne soltústik aýdandaryna zalal keltirip, Djordjııa men Ońtústik Karolınaǵa betteýi múmkin. Prezıdent Barak Obama atalǵan úsh shtatta tótenshe jaǵdaı jarııalady, onda qosymsha qutqarýshylar toby jiberiledi.
Kóptegen aýdandarda júrgizýshiler janarmaıǵa kezekte tur, jergilikti turǵyndar azyq-túlik pen sýdy kóptep satyp alýda. Mektepter men ýnıversıtetter, úkimettik uıymdar jabylýda.
