Mesýt Ózil bosqyn balalarmen fýtbol oınady
ASTANA. QazAqparat - Belgili nemis fýtbolshysy Arsenal» aǵylshyn klýbynyń ári Germanııa ulttyq quramasynyń oıynshysy Mesýt Ózil Iordanııa lagerindegi sırııalyq balalarmen fýtbol oınady.
Aıta ketsek, qazirgi ýaqytta lagerde 80 myńnan asa bosqyn turady, dep jaazdy E-ISLAM.
«Arsenal» juldyzyn Iordan fýtbol assotsıatsııasynyń prezıdenti Álı bın ál-Hýseın arnaıy shaqyrtty. Mesýt Iordanııanyń soltústigindegi bosqyndar lagerindegi túrli sporttyq sharalar aıasyndaǵy Azııalyq fýtboldy damytý jobasyna kelip otyr.
Qyzyqty fýtbol oıynynan soń sırııalyq jetkinshekter tanymal oıynshydan alǵan tájirıbelerin bólisti.
«Men eki ádisti úırenip aldym jáne mundaı fýtbol juldyzymen birinshi ret birge oınadym. Men de fýtbol juldyzy bolǵym keledi», - deıdi sırııalyq Ábdýl Raýf Haled esimdi bala.
«Fýtbol - meniń hobbıim. Men ony jaqsy kórem. Kúshti oıynshy bolǵym keledi. Fýtbol jattyqtyrýshylaryna alǵys aıtamyn», - deıdi Dara qalasynan kelgen jetkinshek.
