Mesýt Ózil 23 balanyń otasyna qarjy bólmek
ASTANA. QazAqparat - Dertke shaldyqqan 23 brazılııalyq balaǵa Mesýt Ózildiń qarajatynan ota jasalady, dep jazady sheteldik BAQ.
«Qurmetti jankúıerler, men Álem Kýbogy qarsańynda 11 balaǵa ota jasalýyna demeýshilik kórsettim. Álem chempıonatyndaǵy tolyq quramamyzdyń jeńiske qol jetkizgennen keıin 23 balaǵa kómek kórsetkim keledi. Bul - meniń brazılııalyqtardyń qonaqjaılylyǵyna degen alǵysym», - dedi Ózil «Feısbýk» áleýmettik jelisindegi óziniń paraqshasynda.
25 jastaǵy jartylaı qorǵaýshy mýndıalda jeti oıyn ótkizip, bir gol soqqan. Ol Germanııa quramasymen birge aqtyq synda Argentına quramasyn artta qaldyryp (1:0, qosymsha ýaqytta), altyn medalǵa ıe boldy.
