Messıdiń úılený toıy bolyp jatyr
ASTANA. QazAqparat - Argentına astanasynan 300 shaqyrym jerdegi Rosarıo qalasynda ataqty fýtbolshy Lıonel Messı men Antonella Rokýtstsonyń úılený toıy ótýde, dep habarlaıdy bbc.com.
Messıdiń týǵan qalasyndaǵy saltanatty meıramhanaǵa 260 qonaq shaqyryldy, olardyń qatarynda álemdik fýtbol juldyzdary men basqa da tanymal tulǵalar bar.
Jergilikti BAQ ókilderi taratqan málimetterge qaraǵanda, Dıego Maradona men Messımen birge jumys istegen jattyqtyrýshylar, Pepe Gvardıola úılený toıyna shaqyrý almaǵan.
Úılený toıyn birneshe júzdegen tártip saqshylary kúzetýde. Saltanatty shara jaıly aqparat taratýǵa 150 jýrnalıst akkredıtatsııadan ótken.
Aıta keteıik, Messı men Antonella Rokýtstso bala kúnderden beri jaqsy tanys. Qazir «Barselona» fýtbol klýbynyń 30 jastaǵy shabýylshysy men onyń 29 jastaǵy qalyńdyǵynyń eki uly bar.
Lıonel Messı qazirgi zamannyń úzdik fýtbolshylarynyń biri jáne eń ataqty argentınalyq oıynshy.
