Messıdiń otbasy fýtbolshynyń «ofshorlyq oıyndarǵa» qatysy joq ekenin aıtty
ASTANA. QazAqparat - «Barselona» shabýylshysy Lıonel Messıdiń otbasy jeksenbide jarııalanǵan «panamalyq qujattarǵa» sáıkes, fýtbolshy salyq tóleýden jaltarý úshin qıturqy áreketke bardy degend joqqa shyǵaryp otyr, dep habarlady «VVS» agenttigi.
«Messı salyq tólemeýdiń jańa tásilin oılap tapty, aqshanyń izin jasyrdy degen aıyp jalǵan ári bul - oǵan til tıgizý», - delingen fýtbolshynyń otbasy atynan jasalǵan málimdemede.
Messı otbasy sotqa talap aryz berý múmkindigin zerdeleý úshin advokatqa júgindi. «Barselona» klýby da Messıdi qoldap, málimdeme jasady.
«Klýb Messı otbasy keltirgen dálelge senetinin habarlaıdy. Lıonel Messıge qarsy jarııalanymnan keıin klýb oıynshyǵa jáne onyń otbasyna qoldaý kórsetti», - delingen «Barselona» málimdemesinde.
Messıge qarsy aıyp «El Confidencial» gazetinde jarııalandy.
