Messıdiń aǵasy zańsyz qarý saqtaǵany úshin qoǵamdyq jumysqa jegildi
ASTANA. QazAqparat - Ótken jyly oq qarýyn zańsyz saqtaǵany úshin sot «Barselona» fýtbolshysy Lıonel Messıdiń aǵasyn qoǵamdyq jumystarǵa mindettedi, dep jazady TASS.
Sot sheshimimen, Rodrıgo Messı aptasyna 4 saǵat Rosarıodaǵy fýtbol mektebinde bapkerlik jumys atqarady. Jáne 34 jastaǵy argentınalyq esirtki men alkogolden boıyn aýlaq ustap, segiz myń peso (130 teńge kóleminde) aıyppul tóleıdi jáne turǵylyqty mekenjaıyn ózgertpeýi tıis.
Ótken jyldyń qazan aıynda Rodrıgo Messı Rosarıoda ustaldy, onyń kóliginen polıtsııa altyatar qarýyn tapqan edi.
Maýsym aıynda Lıonel Messı men onyń ákesi Horhe Orasıoǵa salyqtan jaltarǵany úshin 21 aıǵa abaqtyǵa qamaý týraly úkim kesildi. Sonymen birge, sot Messıge 2 mln. eýro kóleminde, al ákesine 1,5 mln. eýro kóleminde aıyppul tóleýdi júktedi. Ispan zańdaryna sáıkes, eki jyldan tómen kez kelgen jazany shartty túrde óteýge bolady. Buǵan deıin BAQ aıypkerlerdiń sot sheshimine shaǵym túsiretinin habarlaǵan edi.
