Messı jańa klýbqa qatysty óz tańdaýyn jasady
NUR-SULTAN. QazAqparat – «Barselona» fýtbol klýbynan ketken argentınalyq fýtbolshy Leo Messı jańa klýbqa qatysty óz tańdaýyn jasady, dep habarlaıdy QazAqparat Sports.kz saıtyna silteme jasap.
«Alty márte «Altyn dop» ıegeri bolǵan argentınalyq shabýylshy Lıonel Messı óz mansabyn «PSJ» frantsýz fýtbol klýbynda jalǵastyrady», - dep málim etti Marca.
Beısenbi kúni «Barselona» Messımen jańa kelisimshartqa qol qoımaıtynyn málimdegen edi.
Ispanııalyq gazettiń jazýynsha, «PSJ» - Messıdi satyp alǵysy keletin básekege qabiletti jalǵyz klýb.
Anglııanyń «Manchester Sıtıi» fýtbolshy úshin kúresten bas tartqan.
Aıta keteıik, Messı «Barselonadan» ketetini jóninde jarııalanǵannan keıin Qazaqstannyń «Turan» fýtbol klýby ony elimizge shaqyrdy: «Leo Messı, sizdi Túrki áleminiń rýhanı astanasy – Túrkistanǵa shaqyramyz!» dep jazdy klýb áleýmettik jelide.
