Messı - úzdik, Ronaldý baǵaly fýtbolshy atandy
ASTANA. 4 jeltoqsan. QazAqparat - 2012/2013 maýsymdaǵy Ispanııa La-Lıgasynyń úzdikteri anyqtaldy. Messı - úzdik, Ronaldý baǵaly fýtbolshy atandy, dep jazady sport.gov.kz.
Katalondyq «Barselonanyń» shabýylshysy Lıonel Messı eń úzdik shabýylshy marapatyna ıe boldy. Argentınalyq fýtbolshy ótken maýsymda 46 gol soǵyp, úzdik surmergen de bolyp tabylǵan bolatyn. Al «koroldik klýbtyń» jartylaı qorǵaýshysy Krıshtıaný Ronaldý 34 gol soǵyp, 9 nátıjeli pas shyǵarǵan edi. Sonymen qatar La-Lıganyń kúmis júldesine qol jetkizgen-di. Endi ótken maýsymdaǵy Ispanııa birinshiliginiń qorytyndysy boıynsha, portýgaldyq oıynshy eń baǵaly fýtbolshy atandy.
Ózge de úzdikter:
Eń úzdik bapker: Dıego Sımeone («Atletıko M»);
Eń úzdik qaqpashy: Tıbo Kýrtýa («Atletıko M»);
Eń úzdik qorǵaýshy: Serhıo Ramos («Real»);
Eń úzdik jartylaı qorǵaýshy: Aser Ilıaramendı («Real Sosedad»/ «Real»);
Eń úzdik shabýyl shebindegi jartylaı qorǵaýshy: Andres Inesta («Barselona»);
Fair-play júldesi: Iker Kasılıas («Real»);
Fair-play komandalyq júldesi: «Atletık Bılbao».
