Messı úzdik oıynshyǵa beriletin Amerıka Kýbogy júldesinen bas tartty
ASTANA. QazAqparat - Argentına quramasynyń kapıtany Lıonel Messı Chılı komandasymen fınaldyq matchtaǵy penaltı serııasyndaǵy jeńilisterinen keıin úzdik oıynshyǵa beriletin Amerıka Kýbogy júldesinen bas tartty. Bul týraly ıtalıan jýrnalısi Tankredı Palmerı óziniń Tvıtterdegi paraqshasynda jazdy, dep habarlady Lenta.ru.
Palmerıdiń aıtýynsha, argentınalyqtyń júldeden bas tartýy marapattaý rásimi úderisindegi on mınýttik irkiliske soqtyrdy, óıtkeni týrnırdi uıymdastyrýshylar Messıdi kóndirýge tyrysty. Jýrnalıst fýtbolshy kúlkige qalmas úshin ózine nagrada tapsyrýǵa batyl qarsy shyqqanyn túsindirdi, 2014 jylǵy álem chempıonatynda da Argentına fınalda Germanııaǵa jol bergenine (0:1) qaramastan ol úzdik oıynshy bolyp tanylǵan edi.
Aqyrynda júlde eshkimge de berilgen joq.
AK-2015 toptyq kezeńinde Paragvaımen (2:2) match úshin Messı kezdesýdiń úzdik oıynshysy bolyp tanylǵan bolatyn, biraq ta sol kezde de ol júldeden bas tartty. Sol oıynda shabýylshy penaltıde bir dop soqty. Týrnırde argentınalyq bir golmen jáne úsh nátıjeli dop berýmen ǵana kózge túsken bolatyn.
