Messı taǵy da rekord jasady
ASTANA. QazAqparat - Bes dúrkin «Altyn dop» ıegeri, «Barselonanyń» juldyzy Lıonel Messı ıspandyq Prımerada kezekti ret óz esimin jazyp qaldyrdy, dep habarlaıdy «SPORTINFORM».
31 jastaǵy argentınalyq Ispanııa chempıonattary tarıhyndaǵy 13 maýsymda qatarynan 10 goldan artyq soqqan tuńǵysh fýtbolshy atandy.
Statıster úshin asa mańyzdy oqıǵa 15-shi týrda «Espanolaǵa» qarsy match kezinde oryn aldy. Lıonel kezdesýdiń 17-shi mınýtynda aıyp syzyǵynan tamasha soqqy berip, esepti ashty. Al oıyn sońynda gol salyp, golkıper Dıego Lopesti taǵy renjitti. Osylaısha, Prımeranyń qazirgi oıynynda Messıdiń enshisinde 11 gol bar
Messıdiń qos golynyń arqasynda «Barselona» 4:0 esebimen ejelgi qarsylasynyń tas-talqanyn shyǵardy. Odan bólek, Lýıs Sýares pen Ýsman Dembele bir goldan soqty.
15-shi týrdan keıin katalondyqtar «Sevılıa» men «Atletıkodan» 3 upaı artyq jınap, týrnır kestesinde birinshi kele jatyr.
