Messı sporttyq mansabyn qaı klýbta aıaqtaıdy?
ASTANA. QazAqparat - Álemdi talantymen moıyndatqan argentınalyq surmergen Lıonel Messı sporttyq mansabyn qaı klýbta aıaqtaýy múmkin? Bul suraqqa fýtbolshynyń ákesi Horhe Messı múmkindiginshe jaýap beripti, dep jazady massaget.kz.
Ala dopty urshyqa ıirgen tulǵanyń ákesi ulynyń agenti (fýtbolshyǵa ózge klýbtyń usynysy men aýysýyn qadaǵalaıdy) qyzmetin de atqarady. Horheniń aıtýynsha, Lıonel Messı sporttyq mansabyn katalondyq klýbta aıaqtamaýy bek múmkin eken.
- Meniń ulym «Barselonany» janyndaı jaqsy kóredi. Biraq, ómirde bári bir sátte ózgerip ketýi múmkin. Aldyn-ala kesip aıtýǵa bolmaıdy. Ol «Rosarıo» men «Nıýells Old Boız» klýbtaryn da jaqsy kóredi. Bálkim, osy klýbtardyń birinde býtsysyn shegege iler. Bárin ýaqyt kórsetedi, - dedi Horhe Messı.
