Messı Peleniń rekordyn jańartty
NUR-SULTAN. QazAqparat – Ispanııalyq «Barselona» klýbynyń shabýylshysy Lıonel Messı uly fýtbolshy Peleniń rekordyn jańartty, dep habarlaıdy QazAqparat.
Argentınalyq L.Messı bul nátıjege Ispanııa chempıonatynyń 15-týrynda «Valıadolıd» pen «Barselona» arasynda ótken matchta qol jetkizdi.
Oıynnyń 65-mınýtynda 33 jastaǵy Messı gol soǵyp, Peleniń bir klýb úshin soqqan dop sanynan asyp tústi.
Osylaısha L.Messı katalonııalyq «Barselonanyń» namysyn qorǵaı júrip, qarsylastar qaqpasyna 644 gol engizdi. Al ataqty Pele brazılııalyq «Santos» klýbynda 1956-1974 jyldar aralyǵynda dop teýip, 643 gol soqqan bolatyn.
Syrt alańda «Valıadolıdti» 3:0 esebimen utqan «Barselona» 24 upaımen týrnır kestesinde besinshi orynǵa kóterildi.
