Messı Mıýllerdiń «máńgilik» rekordyn buzdy
ASTANA. 4 mamyr. QazAqparat - «Barselona» fýtbol klýbynyń argentınalyq shabýylshysy Lıonel Messı Eýropada bir maýsymda 68 dop soqqan alǵashqy oıynshy atandy.
Fýtbolshy sársenbi kúni ótken ıspandyq «Barselona» men «Malaga» arasyndaǵy oıynda rekord ornatty. Bul básekede ataqty shabýylshy úsh dop soǵyp, 4:1 esebimen óz komandasyna jeńis syılady, dep habarlaıdy ITAR-TASS.
Kezdesýdiń 59 mınýtynda penaltıden ekinshi golyn soqqan Messı 1972-1973 jyldardaǵy maýsymda mıýnhendik «Bavarııada» oınaı júrip, qarsylastaryn 67 ret qapy qaldyrǵan, aty ańyzǵa aınalǵan fýtbolshy Gerd Mıýllerdiń nátıjesin qaıtalady. Al taǵy 5 mınýttan keıin «Malaganyń» qaqpasyna argentınalyq úshinshi golyn soqty. Sóıtip, fýtbol tarıhynda bir maýsymda eń kóp dop soqqan fýtbolshy retinde rekord ornatty.
