«Messı myqty ma, álde Krıshtıaný myqty ma?» degen daýdyń sońy kisi ólimimen aıaqtaldy
ASTANA. QazAqparat - ««Real» sapyndaǵy Krıshtıaný Ronaldý myqty ma, álde «Barselona» shabýylshysy Lıonel Messı myqty fýtbolshy ma?» degen tartystyń sońy qaıǵyly jaǵdaımen aıaqtaldy.
Portýgaldyq fýtbolshynyń nıgerııalyq jankúıeri argentınalyq aıaqdopshynyń jankúıerin óltirip tastady. 24 jastaǵy nıgerııalyq Mýmbaı mańyndaǵy Nalasopare eldi mekeninde dosyn óltirgeni úshin quryqtaldy.
«Sport-Ekspress» baspasynyń habaralýynsha, joldastary Messı jankúıeriniń 34 jasqa tolǵanyn toılatyp jatqan. Bir mezette qos forvard jaıynda daý shyǵyp, sońy tóbeleske ulasqan. Toı ıesi qarsylasyna staqan atsa, óz kezeginde Ronaldý jankúıeri synǵan staqannyń synyǵyn alyp, dosyna shabýyl jasaǵan. Keıin ol páterde qansyraǵan dosyn sol kúıi tastap, oqıǵa ornynan qashyp ketken, dep jazady 24.kz.
