Messı men Inesta Túrkııadaǵy qaıyrymdylyq matchyna qatysýdan bas tartty
ASTANA. QazAqparat - Túrkııada álem juldyzdarynyń qatysýymen ótýge tıis fýtbol machty bolmaıtyn boldy. Elde tóńkeris jasaý úshin uıymdastyrylǵan qantógisten soń Lıonel Messı men Andres Inesta Túrkııada ótetin qaıyrymdylyq matchyna qatysýdan bas tartty, dep habarlaıdy RT-ge siltememen 24.kz.
Osydan soń bul jobanyń avtory kamerýndyq forvard Samýel Eto'O is-sharanyń ótpeıtindigin málimdedi. Fýtbolshylardyń raılarynan qaıtýyna búlikshilerdiń elde oıran salýy sebep. Qaıyrymdylyq matchynan túsken tabys Afrıka balalaryna jumsalatyndyǵy aıtylǵan.
Bul oıynǵa «Barselonanyń» qos úzdigimen qatar Deký, Djeı-Djeı Okocha, Samýel Eto'O, Eden Azar, Stefan Appıa, Karles Pýıol, Kolo Týre, Emre Belezoglý jáne Marsel Desaıı sekildi kil myqtylar qatysady dep josparlanǵan bolatyn.
