Messı Latyn Amerıkasy men Karıb basseıni elderiniń 2014 jylǵy úzdik sportshysy atandy
ASTANA. QazAqparat - Kolýmbııalyq jeńil atletshi Katerına Ibargýen men argentınalyq fýtbolshy Lıonel Messı Kýbanyń Prensa Latina agenttiginiń saýalnamasy boıynsha Latyn Amerıkasy men Karıb basseıni elderiniń 2014 jylǵy úzdik sportshylary atandy, dep habarlaıdy sheteldik BAQ.
Erler arasynda «Altyn doptyń» tórt dúrkin ıegeri, ıspanııalyq «Barselonanyń» (FC Barcelona) argentınalyq forvardy Lıonel Messıge laıyqty básekeles madrıdtik «Realdyń» (Real Madrid CF) kolýmbııalyq oıynshysy, Brazılııa-2014 álem chempıonatyndaǵy «Altyn býtsanyń» ıegeri Hames Rodrıges boldy. Úshinshi oryndy kolýmbııalyq veloshabandoz, "Djıro d'Italııa-2014" jeńimpazy Naıro Kıntana aldy.
Kolýmbııalyq jeńil atletshi Katerına Ibargýen men argentınalyq fýtbolshy Lıonel Messı 2011 jyly da úzdik sportshylar atanǵan.
