Messı fýtboldan álem chempıonatynyń basty favorıtterin atady

ASTANA. QazAqparat - Argentına quramasynyń shabýylshysy Lıonel Messı fýtboldan 2022 jylǵy álem chempıonatynyń basty favorıtterin atady, dep habarlaıdy QazAqparat tilshisi.

«Argentına úzdik segiz quramanyń qatarynda bolǵanyna qýanyshtymyn. Biz fýtboldan myqty elder qatarynda ekenimizdi taǵy bir márte dáleldeı aldyq. Jankúıerler bizdi árdaıym solaı baǵalaıdy. Álem chempıonatyndaǵy ózge oıyndardy da baqylap otyrmyz. Týrnır bastalǵannan Brazılııa óte jaqsy oınap jatyr. Olar Kamerýnnan jeńilgennen keıin de favorıtter qatarynda qalady. Al Frantsııa, Ispanııa quramalary da jankúıerler kóńilinen shyqty», - dedi Lıonel Messı jýrnalısterge bergen suhbatynda.

Eske salsaq, búgin, 5 jeltoqsanda Japonııa men Horvatııa, Brazılııa men Ońtústik Koreıa quramalary oınaıdy.

Sondaı-aq 6 jeltoqsanda Marokko men Ispanııa, Portýgalııa men Shveıtsarııa jasyl alańǵa shyǵady.

FOTO: GOLÝBOVICh DMITRII, «ChEMPIONAT»