Messı FIFA nusqasy boıynsha jyldyń úzdik fýtbolshysy atandy

ASTANA.QazAqparat - Halyqaralyq fýtbol federatsııasy (FIFA) Argentına quramasy men frantsýzdyq «Parı Sen-Jermen» (PSJ) klýbynyń shabýylshysy Lıonel Messıdi 2022 jyldyń úzdik oıynshysy dep tanydy, dep habarlaıdy QazAqparat dw.com saıtyna silteme jasap.

Messı sporttyq mansabynda ekinshi ret FIFA nusqasy boıynsha jyldyń úzdik oıynshysy ataǵyn jeńip aldy. Buǵan deıin ol syılyqty 2019 jyly alǵan bolatyn. Bıylǵy nomınatsııalardyń tiziminde «Real Madrıd» oıynshysy Karım Benzema men Messıdiń PSJ-daǵy áriptesi Kıllıan Mbappe de bar.

Aıta ketsek, ótken maýsymda Messı Katarda ótken týrnırde Argentına quramasymen birge jeńiske jetip, alǵash ret álem chempıony atandy.

Sondaı-aq 2022 jylǵy álem chempıonatynyń úzdik oıynshysy dep tanyldy.

The FIFA Best jeńimpazdaryn álemdik BAQ ókilderi, ulttyq quramalardyń bapkerleri men kapıtandary, sondaı-aq FIFA saıtyna kirýshiler daýys berý arqyly anyqtaıdy. Argentına quramasymen 2022 jylǵy álem chempıonatyn jeńip alǵan Lıonel Skalonı bıylǵy jyldyń úzdik bapkeri ataǵyna ıe boldy.

Úzdik qaqpashy – argentınalyq Emılıano Martınes, ıspandyq «Barselonanyń» úzdik fýtbolshysy Aleksıa Pýtellas, úzdik áıelder bapkeri - Anglııa quramasynyń jattyqtyrýshysy Sarına Ýıgman, úzdik áıelder qaqpashysy - Anglııa jáne «Manchester ıÝnaıted» klýbynyń qaqpashysy Merı Irps.

Úzdik gol úshin Pýshkash syılyǵy Poznan qalasynyń «Varta» parafýtbol komandasynda oınaıtyn polıak Marchın Oleksıge berildi. Ol 2010 jyly jol apatyna ushyrap, aıaǵynan aıyrylǵan.