Messı bir golmen eki rekord ornatty

ASTANA. KAZINFORM — «Inter Maıamı» shabýylshysy Lıonel Messıdiń MLS matchynda (3:1) «Los-Andjeles Gelaksı» qaqpasyna soqqan goly 38 jastaǵy fýtbolshynyń mansabyndaǵy 875-shi goly boldy, dep habarlady Goal. 

Argentınalyq shabýylshy bul nátıjege tarıhtaǵy kez kelgen fýtbolshydan tezirek jetti, ol 1116 kezdesýde bul nátıjege qol jetkizdi.

Sondaı-aq Messı 875 gol soqqan eń jas oıynshy atandy.

Aıta keteıik, Messı «Inter Maıamıde» 2023 jyldyń jazynan beri óner kórsetip keledi. Osy kezeńde ol barlyq týrnırlerde 71 matchqa qatysyp, 59 gol soqty, 29 nátıjeli pas berdi.

Fýtbolshynyń klýbpen qazirgi eńbek kelisimi 2025 jyldyń sońyna deıin jaramdy. Aqparatqa sáıkes, fýtbolshynyń naryqtaǵy quny 18 mıllıon eýrony quraıdy.

Eske sala keteıik, álemdik fýtbol juldyzdary 26 tamyzda Ózbekstanǵa keledi.