Messı besinshi ret «Altyn býtsy» ıegeri boldy
ASTANA. QazAqparat - Eýropanyń sporttyq basylymdarynyń qaýymdastyǵy «Barselonanyń» shabýylshysy Lıonel Messıge «Altyn býtsy» tabys etti, dep habarlaıdy «SPORTINFORM» SAA.
Messı 2017/18 maýsymyndaǵy Eýropanyń eń úzdik bombardıry atandy. Ótken maýsymda argentınalyq fýtbolshy Premer-lıganyń 36 matchynda 34 gol soqty.
Atalmysh marapat úshin baqtalasta ol mysyrlyq Mohamed Salahtyń aldyn orap ketti. M.Salah Premer-lıganyń 36 kezdesýinde 32 ret gol saldy.
L.Messıge «Altyn býtsy» besinshi ret tabystalyp otyr. Buǵan deıin marapatty 2009/10, 2011/12, 2012/13 jáne 2016/17 maýsymdarda alǵan bolatyn. Messı «Altyn býtsy» syılyǵyn eń kóp ıelengen fýtbolshy. Ekinshi orynda - búginde «ıÝventýs» sapynda oınap júrgen Krıshtıaný Ronaldý. Onyń enshisinde 4 júlde bar.
