Messı besinshi ret «altyn býtsy» ıegeri atandy
ASTANA. QazAqparat - «Barselona» shabýylshysy Lıonel Messı Ispanııa chempıonatynda maýsym aıaqtalǵannan keıin «Altyn býtsy-2018» ıegeri atandy. Fýtbolshy bul maýsymda lıganyń 36 oıynynda 34 ret gol salyp, 68 upaıǵa ıe boldy, dep habarlaıdy «SPORTINFORM» SAA.
Onyń basty qarsylasy, «Lıverpýl» oıynshysy Muhamed Salah Anglııa chempıonatyn 32 golmen aıaqtady (62 upaı).
Eske salaıyq, bul Messıdiń mansabyndaǵy besinshi «Altyn býtsy». Ol bul marapattty eki ret qatarynan jeńip aldy. Budan buryn ol atalmysh nagradaǵa 2010, 2012, 2013 jáne 2017 jyldary ıe bolǵan edi. Osylaısha, 30 jastaǵy argentınalyq «Altyn býtsydy» bes ret jeńip alǵan alǵashqy fýtbolshy atandy.
2017/18 maýsymyndaǵy «Altyn býtsy» reıtınginiń úzdik ondyǵy mynadaı:
1. Lıonel Messı («Barselona») - 34 gol (68 upaı);
2. Mohamed Salah («Lıverpýl») - 32 (64);
3. Garrı Keın («Tottenhem Hotspýr») - 30 (60);
4. Robert Levandovskı («Bavarııa») - 29 (58);
5. Chıro Immobıle («Latsıo») - 29 (58);
6. Maýro Ikardı («Inter») - 29 (58);
7. Edınson Kavanı («PSJ») - 28 (56);
8. Krıshtıaný Ronaldý («Real») - 26 (52);
9. Jonas («Benfıka») - 34 (51);
10. Lýıs Sýares («Barselona») - 25 (50).
