Messı «Barselonada» kórgisi keletin oıynshylardyń tizimin jasady

Fýtbolshy aldaǵy transfer kezinde basshylardan osy oıynshylardy satyp alýlaryn ótingen. Komanda aldaǵy ýaqytta qorǵaýshy, jartylaı qorǵaýshy, pleımeıker jáne shabýylshy izdestirmek eken.

Messı bul oryndarǵa laıyqty oıynshylardy tańdap úlgergen. Ol qorǵaýshy Ektor Belerın («Arsenal») men jartylaı qorǵaýshy retinde Marko Verattı (PSJ) jáne Bernardý Sılvanyń («Monako») kelgenin qalaıdy.

Al pleımeıker qyzmetin Fılıppe Koýtıno («Lıverpýl») atqara alatynyna senimdi. Biraq aǵylshyndyq klýb óz oıynshysyn satpaıtynyn málimdep úlgerdi.

Shabýyl shebine Kılıan Mbappeniń («Monako») nemese Ýsman Dembeleniń («Borýssııa Dortmýnd») kelgenin jón sanaıdy, dep jazady Vesti.kz.