Messı Argentına quramasynyń Saýd Arabııasyna jeńilýine qatysty pikir bildirdi
Aıta ketsek, 22 qarashada ótken oıynda Argentına quramasy Saýd Arabııasyna 1:2 esebimen jol berdi.
«Bul barlyǵymyz úshin aýyr soqqy boldy. Jankúıerler úshin de, biz úshin de. Biz týrnırdiń bastaýynda mundaı sátsizdikti kútken joqpyz. Alǵa qoıǵan maqsatymyz - jeńiske jetý, úsh upaıdy oljalaý bolatyn. Ol janyńa jaılylyq beredi. Mundaı jaǵdaı oılaǵandaı bola bermeıtini taǵy bar. Qarsylasymyz qalaı oınaıtynyn jaqsy bildik. Asyǵystyq tanyttyq. Sonyń saldarynan oıyn bizdiń oılaǵanymyzdaı júrgen joq. Iá, golymyzdy erte soǵa aldyq. Esepke alynbaǵan goldarǵa qatysty birneshe qaýipti sátter boldy. Sol sátte biz mundaı gol soǵatyn múmkindik áli de bolady degen senimde edik. Bul jerde qateleskenimizdi túsindik», - dedi argentınalyq fýtbolshy.
Leonel Messı odan keıin quramada oıyn barysy qalaı órbigenine nazar aýdardy.
«Odan keıingi sátterde asyǵystyq boldy. Oıynymyz oılaǵandaı júrgen joq. Qaptaldy udaıy aýystyryp turýǵa múmkindik bolmady. Negizinde oıyn solaı órbýi tıis edi. Arabııalyq fýtbolshylar qorǵanys shebinde joǵary deńgeıde oıyn kórsetkenin baıqadyq. Sondyqtan dopty alyp júrý barysynda jyldam bolýǵa kúsh saldyq. Degenmen júıeli túrde qımyl kórsete alǵan joqpyz. Sonyń saldarynan birneshe márte oıynnan tys qalý tirkeldi. Bul sátterde Saýd Arabııasynyń quramasy jınaqy qımyldady. Odan keıin bizdiń qaqpamyzǵa eki gol soǵyldy. Bul bizdiń úmitimizdi seıiltti de ol kóptegen qatelikke uryndyrdy.
Biz Saýd Arabııasy dopqa ıelik etý jóninen jaqsy ekenin ańǵardyq. Olarǵa dopty alyp júrý unaıdy. Sondyqtan alǵa qaraı umtyla túsip jınaqylyq tanytty. Osyǵan baılanysty bizdiń qaqpa mańynda birneshe márte oıynnan tys qalyp jatty. Bizge kedergi kezdesti jáne ol biz kútpegen jaǵdaı edi. Endi bizdiń birligimizdi kórsetetin sát týdy. Oıynǵa qaıta oralamyz. 26 qarashadaǵy oıynda Meksıkany jeńýge kúsh salamyz», - dedi Leonel Messı.
Foto: almountakhab.com
