Messı Argentına quramasynan ketýiniń sebebin atady - VIDEO
ASTANA. QazAqparat - «Barselona» shabýylshysy Lıonel Messı Argentına quramasy sapynda biraz ýaqyt oınamaıtyn boldy.
28 jastaǵy fýtbolshyǵa 2014 jylǵy álem chempıonatynyń fınalynda jeńilis tapqany jáne jýyrda aıaqtalǵan Amerıka kýbogy, sondaı-aq jankúıerlerdiń onyń otbasyna shabýyldaǵany qatty áser etti.
Messı argentınalyq qurama bapkeri Herardo Martınoǵa óz sheshimin jetkizip, odan 2018 jylǵy álem chempıonatynyń irikteý synyna shaqyrmaýdy ótindi. Messı ulttyq komandada 2005 jyldan beri oınap keledi. Ol quramada 102 match ótkizip, 46 gol soqqan. Eske sala ketsek, 4 shildede ótken Amerıka kýbogynyń fınaldyq oıynynda Argentına men Chılı quramalary sheberlik synasqan. Osy oıyn kezinde jankúıerler trıbýnada otyrǵan Messıdiń januıasyn tanyp qalyp, olarǵa shabýyldamaq bolǵan. Tipti, onyń aǵasy Rodrıgoǵa zat laqtyrǵan. Sonyń saldarynan anasy - Selııa, ákesi - Horhe jáne aǵalary Rodrıgo men Matıas basqa jerge oryn aýystyrǵan edi. Bul oıynda Chılı quramasy jeńiske jetti.
