Messı Argentına quramasynan ketkenin málimdedi
ASTANA. QazAqparat - Ataqty shabýylshy Lıonel Messı Amerıka-2016 kýbogynyń fınalyndaǵy jeńilisinen keıin Argentına fýtbol quramasyndaǵy ýaqytynyń aıaqtalǵandyǵy týraly málimdedi dep habarlaıdy RIA Novostı.
Jeksenbi kúni AQSh-ta ótken aqtyq fınalda argentınalyqtar Chılı komandasynan penaltı kezinde 2:4 esebimen jeńildi, al Lıonel Messı óziniń on bir metrlik jerdegi soqqysyn júzege asyra almaı qaldy.
«Men úshin Argentına quramasynda bári bitti. Bul meniń sheshimim», - dedi 29 jastaǵy forvard.
17 jasynan bastap ıspandyq «Barselona» komandasynyń oıynshysy bolyp kelgen Lıonel Messı - qazirgi tańdaǵy eń úzdik fýtbolshylardyń biri. Ol bes ret «Altyn dop» ıegeri atandy.
