Messı áleýmettik jelide 500 mıllıon jazylýshysy bar álemdegi ekinshi adam boldy

ASTANA. KAZINFORM - Argentınalyq «Inter Maıamı» klýbynyń shabýylshysy Lıonel Messı Instagram áleýmettik jelisinde 500 mıllıon jazylýshy jınady, dep habarlaıdy Sports.kz portaly.

36 jastaǵy fýtbolshy jazylýshylar sany boıynsha Saýd Arabııasynyń «Ál-Nasr» komandasynyń portýgaldyq shabýylshysy Krıshtıaný Ronaldýdan keıingi ekinshi orynda tur. Áleýmettik jelide oǵan jazylýshylardyń sany qazir 622 mln adam.

Instagram jelisinde Messıden keıin eń tanymal juldyzdar tiziminde amerıkalyq ánshi Selena Gomes (429 mln), model Kaılı Djenner (400 mln) jáne akter Dýeın Djonson (396 mln) tur.

Argentınalyq shabýylshy «Inter Maıamıde» 2023 jyldyń shildesinen beri oınap júr.