Messı álemdegi eń qymbat fýtbolshy atandy
ASTANA. QazAqparat - Halyqaralyq sporttyq zertteý ortalyǵy (CIES) "Barselona" men Argentına quramasynyń oıynshysy Lıonel Messıdi álemdegi eń qymbat fýtbolshy dep atady.
Fýtbol naryǵyn zertteýge arnalǵan jyl saıynǵy esepte Messıdiń quny 200,2 mln. eýrodan 232,6 mln. eýroǵa deıin jetetini jazylǵan.
Reıtıngtegi ekinshi orynǵa madrıdtik "Realdyń" jáne Portýgalııa quramasynyń forvardy Krıshtıaný Ronaldý laıyq dep tanyldy. Ol 105,7 mln. eýro - 122,9 mln. eýro shamasynda baǵalandy.
Úzdik úshtikti "Lıverpýldiń" jáne Ýrýgvaı quramasynyń shabýylshysy Lýıs Sýares tuıyqtady. CIES esebinshe onyń quny 98,5 mln. eýrodan 114,5 mln. eýroǵa deıin.
Úzdik ondyqqa sondaı-aq Eden Azar ("Chelsı"), Neımar ("Barselona"), Pol Pogba ("ıÝventýs"), Garet Beıl ("Real"), Mesýt Ozıl ("Arsenal"), Edınson Kavanı ("Parı Sen-Jermen") jáne Marıo Gettse ("Bavarııa") endi.
Aıta keteıik, Messıdiń ortasha quny ótken jylǵymen salystyrǵanda 19 mln. eýroǵa tómendese, Krıshtıaný Ronaldýdyń ortasha quny 4 mln. eýroǵa ósti.
