Messı álem nazaryn aýdarǵan aýǵan balasymen kezdesti
ASTANA. QazAqparat - Katalondyq «Barselona» men Argentına ulttyq quramasynyń shabýylshysy Lıonel Messı áleýmettik jelide álem nazaryn aýdarǵan aýǵanstandyq bala Murtazamen kezdesti, dep habarlaıdy massaget.kz.
Aýǵanstandyq jas bala argentınalyq surmergenniń esimi jazylǵan «jeıdeni» polıetılendi qaptan (paket) jasap kıgen. Ǵalamtorǵa júktelgen sýret álem nazaryn aýdaryp, kóp talqylanǵan-dy.
Sýretke tanymal fýtbolshynyń da nazary aýyp, balamen jolyǵyp, jeıdesin syılaýǵa ynta tanytqan edi. Sonyń sáti Dohadaǵy «Barselona» men «Al-Ahlı» komandalary arasyndaǵy joldastyq kezdesýdiń aldynda tústi. Fýtbolshy Murtazany qushaǵyna qysyp, estelik sýretke tústi.
Aıta keteıik, osyǵan deıin fýtbolshy Murtaza Ahmadıge qoltańbasy qoıylǵan jeıdeni syı retinde joldaǵan bolatyn.
