Messı álem chempıonatynda qaqpaǵa eń kóp soqqy jasaǵan oıynshy atandy

ASTANA. QazAqparat – Argentına quramasynyń kapıtany Lıonel Messı Qatarda fýtboldan ótken álem chempıonatynda qaqpaǵa eń kóp soqqy jasaǵan oıynshy atandy, dep habarlaıdy QazAqparat tilshisi.

Frantsııa quramasynyń shabýylshysy Kılıan Mbappe ekinshi, onyń otandasy Olıve Jırý úshinshi orynda.

Messı birinshilik barysynda 33 ret qaqpaǵa dop baǵyttaǵan. Mbappe odan bir soqqy ǵana qalyp qoıdy. Jırýdiń esebinde 16 soqqy bar.

Dúnıejúzilik dodada Kılıan Mbappe jeti matchta 8 gol soǵyp, 1 nátıjeli pas shyǵardy. Úzdik oıynshy atanǵan Lıonel Messı qarsylastar qaqpasyna 7 gol engizip, 3 nátıjeli pas berdi. Fınalda Mbappe het-trıktiń, Messı qos goldyń avtory atandy.

Eske sala keteıik, budan buryn Messıdiń kýbokpen túsken fotosy jelide rekordtyq laık jınaǵanyn jazǵan bolatynbyz.

Sondaı-aq Argentınadaǵy fýtbol merekesi kezinde jankúıer kóz jumdy.

Ronaldý kelesi álem chempıonatyna qatysqysy keledi.