Messı 2022 jyldyń qorytyndysy boıynsha álemdegi úzdik fýtbolshy atandy
ASTANA. QazAqparat – Argentına quramasy men «PSJ» klýbynyń shabýylshysy Lıonel Messı 2022 jyldyń qorytyndysy boıynsha álemniń úzdik fýtbolshysy atandy, dep habarlaıdy QazAqparat tilshisi.
Shampionat.com saıtynan alynǵan derekke qaraǵanda, Halyqaralyq fýtbol tarıhy jáne statıstıkasy federatsııasy (IFFHS) úzdikter esimin jarııa etti.
Messı daýys berýdiń qorytyndysy boıynsha 275 upaı jınady. Ol «PSJ» men Frantsııa quramasynyń shabýylshysy Kılıan Mbappeden áldeqaıda alǵa ketti. Mbappeniń esebinde 35 upaı ǵana bar. «Real» men Frantsııa quramasynyń taǵy bir shabýylshysy Karım Benzema (30 upaı) úzdik úshtikti túıindedi. Sondaı-aq «Realdyń» jartylaı qorǵaýshysy, horvatııalyq Lýka Modrıch (15) pen «Manchester Sıtıdiń» shabýylshysy, norvegııalyq Erlıng Holand (5) TOP-5-ke endi.
Lıonel Messı álem chempıonatynan keıin óziniń klýby «PSJ» komandasyna qaıta oraldy.
Eske sala keteıik, budan buryn Krıshtıaný Ronaldýdyń fýtbol tarıhyndaǵy eń úzdik surmergen atanǵanyn jazǵan bolatynbyz.
Foto: GETTY IMAGES