Messenjerde ekstremıstik jazba taratqan qyzylordalyq áıel 3 jylǵa sottaldy

QYZYLORDA. KAZINFORM — Qyzylorda oblysynda alaýyzdyqty týdyratyn jazba taratqan turǵynǵa sot úkimi shyqty.

Qyzylorda oblysynyń polıtsııa departamenti ekstremızmge qarsy is-qımyl basqarmasy qyzmetkerleri jedel izdestirý sharalaryn júrgizdi.

Atalǵan shara barysynda destrýktıvti dinı aǵym ustanýshysy, qala turǵyny 31 jastaǵy áıel Telegram mesendjeri arqyly ekstremıstik materıaldardy taratqany anyqtaldy. 

Oǵan qatysty QR QK-niń 174-baby 1-bóligimen tergeý amaldary bastalyp, tıisti saraptamalar taǵaıyndaldy. 

Nátıjesinde Qyzylorda qalalyq sotynyń úkimimen azamatsha kináli dep tanyldy.

Oǵan 3 jyl merzimge bas bostandyǵyn shekteý jazasy taǵaıyndalyp, probatsııalyq baqylaýǵa alyndy.

Eske salsaq, budan buryn Qyzylordada adamdarǵa pyshaq jaraqatyn salǵan kúdikti ustalǵan edi.