Messendjerlerde polıtsııa podpolkovnıginiń atynan taraǵan aqparat jalǵan
NUR-SULTAN. QazAqparat - Messendjerlerde polıtsııa polkovnıgi Turlybek Ahmetovtiń atynan jazylǵan habarlama taratylýda. Mátin avtory ózin QR Іishki ister vıtse-mınıstri etip taǵaıyndamaıtyn bolsa, qupııa aqparattardy jarııalaımyn dep jazǵan.
Mınıstrlik bul aqparatty joqqa shyǵardy, dep habarlaıdy QazAqparat stopfake.kz saıtyna silteme jasap.
Habarlamada QR ІІM-niń qazirgi qyzmetkerleri Turlybek Ahmetov pen Sergeı Vargonyń aty-jóni kórsetilgen, biraq olardyń bul derekke eshqandaı qatysy joq.
«30 qarashada ІІM qyzmetkerleri T.Ahmetov pen S. Vargo áleýmettik jelilerde olardyń esimderin paıdalanyp, shyndyqqa janaspaıtyn, jala taqqan málimetterdi jarııalaǵan adamdardy anyqtap, qylmystyq jaýapqa tartý týraly ótinish jazdy.
Atalǵan fakti boıynsha QR ІІM Ózindik qaýipsizdik departamenti QR Qylmystyq kodeksiniń 274-baby (Kórineý jalǵan aqparat taratý) boıynsha sotqa deıingi tergeý jumystaryn bastady jáne BAQ-ta kórineý jalǵan aqparat taratýǵa qatysy bar adamdardy anyqtaý boıynsha sharalar qabyldanýda», - delingen ІІM resmı habarlamasynda.
