Meshittegi gaz ballon jarylysy: oqıǵa ornyna oblys basshylyǵy bardy
ASTANA. KAZINFORM – Aqmola oblysy Qorǵaljyn aýdany Sabyndy aýylyndaǵy burynǵy meshitte as berý kezinde gaz ballony jarylyp, 3 adam mert boldy jáne 16 adam zardap shekti. Oqıǵa ornyna oblys ákiminiń birinshi orynbasary bardy.
«Qorǵaljyn aýdanyndaǵy oqıǵa ornyna Aqmola oblysy ákiminiń birinshi orynbasary Erdos Ramazanov bardy. Jergilikti atqarýshy organdar barlyq qajetti kómek kórsetedi», - degen habar aldyq oblystyq ákimdiktiń baspasóz qyzmetinen.
Buǵan deıin habarlaǵanymyzdaı, Aqmola oblysynda burynǵy meshitte as berý kezinde gaz ballony jarylyp, úsh adam mert boldy.
Sondaı-aq, zardap shekken 16 adam Astana qalasyna aýrýhanaǵa jetkizildi. Elordanyń densaýlyq saqtaý basqarmasy gaz ballony jarylysynan zardap shekken adamdardyń qazirgi hali týraly málemetpen bólisti.
