Meshitterde, qoǵamdyq oryndarda aýyzashar berý ýaqytsha toqtatylady
«Juqpaly indettiń taralýynyń aldyn alý maqsatynda meshitterde, dámhanalarda, qoǵamdyq oryndarda jáne basqa da mekemelerde jınalyp, aýyzashar berýdi ýaqytsha toqtatýǵa shaqyramyz. Sondyqtan karantın kúnderi árkim óz shańyraǵynda otbasy múshelerimen aýyzashar ótkizýge, kópshilik oryndarda (dámhana, meıramhana) jınalmaýǵa úndeımiz», - dedi Bas múftı Ortalyq kommýnıkatsııalar qyzmetindegi brıfıngide.
Osy oraıda ol qazirgi jaǵdaıǵa qaraı, oraza ustaǵan adamdarǵa aýyzashar berýde tıisti qaıyrly amaldardy júzege asyrýǵa shaqyrdy. Bul turǵyda meıramhanalarǵa tapsyrys berip, aýyzy berik adamdarǵa tamaq taratý, áleýmettik jaǵdaıy tómen otbasylarǵa azyq-túlik taratý arqyly aýyz ashtyrý, aýyzasharǵa jumsalatyn shyǵyndardy oraza ustaǵan adamdarǵa qarjylaı berý sekildi amaldardy usyndy.
«Qasıetti aıda kóbirek ıgi is jasaýǵa asyǵaıyq. Ata-anamyzdyń, úlken kisilerdiń duǵasyn alaıyq. Týystarymyzdan habar alyp, hal-jaǵdaıyn suraıyq. Múmkindikke qaraı, muqtaj jandarǵa qol ushyn berip, naýqastyń kóńilin suraıyq», - dedi Naýryzbaı qajy Taǵanuly.
