Meshitter pitir sadaqany krıptovalıýtamen qabyldaı bastady
Qasıetti Ramazan aıynda adamdar óziniń kirisinen 2,5 paıyzdy quraıtyn zeketti endi bıtkoın nemese efır túrinde bere alady. Meshit ókilderi mundaı pitir sadaqadan 10 myńdaı fýnt sterlıng jınaıtynyna úmitti. Qarjy muqtaj jandarǵa kómek kórsetýge, ǵımarattardy jóndeý sııaqty qaıyrymdylyq sharalaryna jumsalatyn bolady. Al adamdar mundaı jańashyldyqqa qarsy emesterin aıtýda.
«Bıtkoın ózge valıýtalardan kem emes. Keı adamdar ony aqsha túrinde paıdalanady. Biz alypsatarlyqpen aınalyspaımyz. Meshit halyqqa qyzmet etedi. Eń bastysy adamdardyń múddesi», - deıdi meshit ımamy Abdalla.
«Bıtkoın nemese efıri bar azamattar úshin olardy dollar bolmasa fýnt sterlıngke aıyrbastaý qıynǵa túser. Meshit bul máseleni óz moınyna alady. Olardy aýdarýshy qajetti túımesheni basyp, meshittiń krıptoámııanyna aýdarsa jetkilikti. Bul meshitke pitir sadaqany álemniń túkpir-túkpirinen aýdarýǵa múmkindik beredi», - dep atap ótti blokcheın boıynsha keńesshi Lýkas Mýsıal.
