Meshitte koronavırýs anyqtaldy: Feık-aqparat taratqan áıel isti boldy

ShYMKENT. QazAqparat – Áleýmettik jelide Shymkent meshitinde koronavırýs juqtyrǵan adam anyqtalǵany týraly jalǵan aqparat tarady, dep habarlaıdy QazAqparat tilshisi.

Qalalyq Polıtsııa departamenti baspasóz qyzmetiniń málimetinshe, jalǵan aqparat Facebook áleýmettik jelisinde jarııalanǵan. Ony polıtseıler áleýmettik jelilerdegi aqparattarǵa monıtorıng júrgizý barysynda anyqtaǵan.

«Jedel izdestirý sharalary barysynda jalǵan habarlamany taratty degen kúdikpen 52 jastaǵy qala turǵyny ustaldy. Qazirgi tańda atalǵan jáıt boıynsha Qylmystyq kodekstiń 274-baby 2-bóligi boıynsha is qozǵalyp, Ál-Farabı aýdandyq PB tergeý sharalary júrgizilýde», - delingen málimette.