Meshitke shoshqanyń tuıaǵyn laqtyrǵandarǵa qatysty qylmystyq is qozǵaldy
ASTANA. 22 qarasha. QazAqparat - Shvetsııa astanasy Stokgolm shaharynan ońtústikke qaraı ornalasqan Fıtıa aýdanyndaǵy meshit vandaldardyń shabýylyna ushyrady. Polıtsııanyń málimetinshe, belgisiz bireýler ǵıbadat ǵımaratynyń terezesin syndyryp, ishke dońyzdyń tuıaǵyn laqtyrǵan kórinedi.
Sedertorn qalasynyń polıtsııa bólimshesiniń basshysy Ýlfa ıAnzenniń sózine qaraǵanda, meshitke jasalǵan bul shabýyl boıynsha «ultarazdyqty qozdyrý» jáne «múlikke zııan keltirý» baptary negizinde qylmystyq is qozǵalǵan, dep jazady muslim.kz.
«NewsBalt» aqparat kózi habarlaǵandaı, 2013 jyly mamyr aıynda Stokgolmniń mańyndaǵy eldi mekenderdiń kóbisinde ultaralyq qaqtyǵystar oryn alyp, Azııa men Afrıkadan kelgender jolyndaǵysyn qıratyp, tártipsizdikke jol bergen. Olardyń bul bassyzdyǵy bılik ókilderiniń de, baıyrǵy turǵyndar tarapynan da jaýapsyz qalyp, jabýly qazan jabýly kúıinde qaldyrǵan edi. Arada alty aı ýaqyt ótken soń oryn alǵan shabýyldyń kesh te bolsa kek alý maqsatynda jasalǵan áreket dep boljaýshylar da bar.
Fıtıa eldi mekenindegi meshitke jasalǵan shabýylǵa baılanysty myna oqıǵany da aıtpaı ketýge bolmas. Qyrkúıek aıynyń 22-i kúni Stokgolm turǵyny avtokólikpen meshittiń mańynan ótip bara jatyp, qatty dabyl bergen. Sol kezde ony «dinı qyzmetke kedergi keltirdi» dep aıyptaǵan bolatyn.
