Meshitke qastandyq jasaǵandar alty jylǵa túrmege toǵytyldy
ASTANA. 23 jeltoqsan. QazAqparat - Brıtan soty eldiń soltústigindegi meshitte lańkestik áreket jasaǵany úshin eki polıtsııa qyzmetkerin alty jylǵa bas bostandyǵynan aıyrdy.
Tergeý-tekserý amaldarynan anyqtalǵandaı, Stıýart Harness jáne Gevın Hampfrıs esimdi tártip saqshylary janar-jaǵar maıdy paıdalana otyryp, tez tutanatyn jarylǵysh zat daıyndap, ony "Grımsbı" dep atalatyn ıslam mádenıeti ortalyǵyna laqtyrǵan. Olardy meshitke deıin avtokólikpen jetkizip salǵan Danıel Kressı de temir tordyń ar jaǵyna toǵytylyp, alty jylǵa abaqtyǵa jabyldy.
Sot májilisi kezinde bultartpaıtyn aıǵaq retinde keltirilgen beınebaqylaý kamerasyndaǵy jazba qaskúnemderdiń qylmysyn áshkerelep berdi.
Atalmysh lańkestik oqıǵa ústimizdegi jyldyń mamyr aıynda oryn bolatyn. Olardyń mundaı qastandyqqa olar Lı Rıglı esimdi sarbazdyń kisi qolynan qaza tapqanyn jeleý etip, kek qaıtarý maqsatynda barǵandaryn aıtýda, dep habarlady muslim.kz.
