Merzimdi áskerı qyzmette júrgen sarbaz ózine qol jumsady

QONAEV. KAZINFORM – 17 qyrkúıekte Gvardeısk garnızonyndaǵy áskerı bólimderdiń birinde merzimdi áskerı qyzmet atqaryp júrgen sarbaz ózine qol jumsady. 

QR QK Qurlyq áskerleriniń baspasóz qyzmetiniń málimetinshe, atalǵan fakt boıynsha qylmystyq is qozǵalyp, tergeý amaldary júrgizilip jatyr. Qurlyq áskerleri bas qolbasshysynyń tapsyrmasymen oqıǵanyń mán-jaıyn anyqtaý úshin arnaıy komıssııa jiberildi.

— Qazaqstan Respýblıkasy Qarýly kúshteri Qurlyq áskerleriniń qolbasshylyǵy marqumnyń týystary men jaqyndaryna qaıǵyryp kóńil aıtady. Olarǵa barlyq qajetti kómek kórsetiledi, — delingen resmı habarlamada.

Eske salaıyq, buǵan deıin Abaı oblysynda sarbaz kóz jumǵanyn jazǵanbyz. Qorǵanys mınıstrliginiń málimetinshe, 18 jastaǵy merzimdi áskerı qyzmetshi Aıagóz qalasynyń ortalyq aýdandyq aýrýhanasynda bakterıaldy menıngıttiń gıpertoksıkalyq túrinen qaıtys boldy.