Merzimi ótken dárilerdiń 7,5 myń ret satylǵany anyqtaldy – Vıtse-mınıstr
ASTANA. KAZINFORM – Tańbalaý júıesi dári-dármek naryǵyndaǵy jaǵdaıdy naqty ýaqytta baqylap, aýytqýlar men zań buzýshylyqtardy anyqtaýǵa múmkindik beredi. Bul týraly QR Saýda jáne ıntegratsııa vıtse-mınıstri Áset Núsipov OKQ alańynda ótken brıfıngide aıtty.
Spıkerdiń sózinshe, qazirgi ýaqytta 1,2 mlrd-qa jýyq dárilik zat qaptamasy tańbalanǵan. Onyń jartysy aınalymnan shyǵyp, satylyp ketken.
– Tańbalaý bizge otandyq óndiristiń qansha dárisi bar, qaısysy ımporttalǵanyn, satylym kólemi qandaı ekenin kórýge múmkindik beredi. Máselen, dáriler kúnine 750 myńnan 960 myńǵa deıin qaptama bolyp satylady. Tipti aptanyń ishinde dárihanalardan dáriler eń az satylatyn kún – jeksenbi ekeni de anyqtaldy. Júıe óńirler boıynsha preparattardyń qaldyǵyn baqylaýǵa múmkindik beredi. ıAǵnı qaı aımaqta, qaı eldi mekende, qaı dárihanada tapshylyq nemese artyq qor bar ekenin kóremiz. Platformanyń ózi aýytqýlardy anyqtap, zań buzýshylyqqa meńzeıdi, – dedi Áset Núsipov.
Vıtse-mınıstrdiń aıtýynsha, Saýda jáne ıntegratsııa mınıstrliginde baǵa monıtorıngi quraly da bar. Bul vedomstvonyń negizgi mindetteriniń biri.
– Mysaly, ıbýprofenniń 2025 jylǵy mamyrdaǵy eldegi dárihanalardaǵy ortasha baǵasy 1460 teńge bolǵan. Bıylǵy qazanda ol eń tómengi deńgeıge jetip, 941 teńge boldy. ıAǵnı naryq derekterimen jumys istep, barlyq ózgeristi kórip, taldaý júrgizýge múmkindik bar, – dedi spıker.
Sonymen qatar júıe merzimi ótken dárilerdi de anyqtaıdy. Vıtse-mınıstr 1 myńnan astam aınalym qatysýshysynda jaramdylyq merzimi bitken dárilerdiń 7,5 myń ret satylǵany tirkelgenin habarlady.
– Kommertsııalyq satylymda «Tegin» degen móri bar 27 myń qaptama anyqtaldy. Chekter boıynsha olar aqyly túrde satylǵan. Budan bólek, tańbalaý kody burynnan basylǵan qaptamalardyń 470 myńnan astam ret qaıta satylǵany baıqaldy. Jalpy, júıeniń osyndaı fýnktsıonaldyq múmkindikteri bizge naryqty tıimdi basqarýǵa jol ashady, – dedi Áset Núsipov.
Buǵan deıin mindetti tańbalaý kóleńkeli aınalymǵa qalaı áser etetinin jazǵanbyz.
