Merziminen buryn parlamenttik saılaý ótkizý - jańa formattaǵy mamandardyń tanylýyna jol ashady - M. Jurynov
ALMATY. QazAqparat- Merziminen buryn parlamenttik saılaý ótkizý - jańa formattaǵy mamandardyń tanylýyna jol ashady, - dep sanaıdy QR Ulttyq ǵylym akademııasynń prezıdenti Murat Jurynov.
«Qazaqstanda aldaǵy 20 naýryzda Parlament Májilisine saılaý bolady. Buǵan árıne, saıası partııalar da qatysady. Al endi myna jergilikti máslıhattarǵa da saılaý sol kezde júredi. Meniń oıymsha, bul der kezinde qabyldanǵan shara. Prezıdentimiz qazir el aldyna úlken maqsattar qoıyp otyr. Bul, álemdegi eń damyǵan 30 eldiń qataryna ený strategııasy, sondaı-aq 5 ınstıtýtsıonaldyq reformany júzege asyrý. Bul úshin jańasha oılaıtyn, ǵylymı negizde jumys isteı alatyn jigerli de yntaly, bilimdi de bilikti mamandar qajet. Al bul mamandar meniń oıymsha mynaý jergilikti jerlerde tikeleı saılaý tásilimen anyqtalady. Meniń oıymsha, bul bizdiń qoǵamymyzdyń, Qazaqstan halqynyń ári qaraı ósýine, qoǵam retinde damýyna oń áserin tıgizedi», - dedi M. Jurynov.
