Merziminen buryn parlamenttik saılaý ótkizý der ýaqytynda qabyldanǵan sheshim
ASTANA. QazAqparat - Merziminen buryn parlamenttik saılaý ótkizý der ýaqytynda qabyldanǵan sheshim. Bul pikirdi L.Gýmılev atyndaǵy Eýrazııa ulttyq ýnıversıteti Jýrnalıstıka jáne saıasattaný fakýltetiniń dotsenti Qanat Áýesbaı bildirdi.
«Májilis pen barlyq deńgeıdegi máslıhattardyń merziminen buryn saılaýyn ótkizý óte durys. Qazirgi ýaqytta álemde oryn alyp otyrǵan ekonomıkalyq turaqsyzdyq jaǵdaıynda naqty is-qımyl qabyldaıtyn ýaqyt jetti. Sol sebepti bul bastama menińshe der ýaqytynda qabyldanǵan sheshim», - dedi ol.
Onyń paıymynsha, Májilistiń qazirgi shaqyrylymy 5 ınstıtýttyq reformany júzege asyrýdyń «100 naqty qadamy» Ultty josparyn iske jaratýǵa qajetti zańnamalyq bazany ázirleýdegi óz mindetin tolyǵymen oryndady.
«Sondyqtan da bul Májilis óziniń tarıhı mıssııasyn tolyǵymen oryndady dep sanaımyn», - dep qosty Q.Áýesbaı.
Ol sonymen qatar Májilis pen barlyq deńgeıdegi máslıhat saılaýyn bir mezette ótkizý saılaý naýqanyn uıymdastyrýǵa jáne ótkizýge qajetti bıýdjet shyǵystaryn aıtarlyqtaı qysqartatyndyǵyn atap ótti.
