Merziminen buryn ótetin saılaý Qazaqstannyń qazirgi jaǵdaıyna taldaý jasaýǵa úlken serpin beredi - V. Kosarev

ASTANA. QazAqparat - Qazaqstannyń kommýnıstik halyq partııasy QR Prezıdentiniń merziminen buryn ótetin Májilis saılaýyn 2016 jyldyń 20 naýryzyna taǵaıyndaý týraly sheshimin qoldaıdy. Bul týraly búgin besinshi shaqyrylǵan Májilis depýtaty, Májilistegi partııa fraktsııasynyń jetekshisi Vladıslav Kosarev brıfıngte málim etti.

Brıfıng barysynda sóılegen sózinde partııa jetekshisi Májilisti tarqatýdyń qajettilikterine de nazar aýdardy. «Eń birinshiden, qajettilik álemdegi jahandyq daǵdarysqa qatysty boldy. Men bul daǵdarysqa álemdegi barsha kapıtalıstik elder meılinshe úles qosty dep aıtar edim. Biz solardyń áserinen japa shegip otyrmyz. Búgingi álemde ekonomıkalyq daǵdarys qana emes, áskerı qaqtyǵystar da, áleýmettik, saıası qysymdar da kúsheıip otyr. Sondyqtan da, bundaı ýaqytta óz saıasatymyzdy bekemdeý úshin jańa mindetterge kóshýge tıispiz, Elbasynyń sheshimin sondyqtan da qoldaımyz», - dedi V. Kosarev.

Onyń aıtýynsha, saılaý elimizdiń de, saılaýshylardyń, ıaǵnı qarapaıym halyqtyń da, qoǵamdyq kúshterdiń de Qazaqstannyń dál qazirgi jaǵdaıy men tirshiligine taldaý jasaýǵa úlken serpin beredi. Soǵan oraı V. Kosarev aldaǵy saıası dodaǵa eldegi barlyq saıası partııalar erekshe daıyndyqpen qatysatynyna senim bildirdi.