Merziminen buryn bosatylǵandarǵa alkogoldik ishimdik ishýge tolyq tyıym salynbaq
ASTANA. QazAqparat - Shartty túrde merziminen buryn bosatylǵan adamdarǵa alkogoldik ishimdi ishýge tolyq tyıym salynady. Bul týraly Májilistiń jalpy otyrysynda ishki ister organdarynyń qyzmetin jetildirý máselelerine qatysty zań jobasyn talqylaý barysynda QR Іshki ister mınıstriniń orynbasary Erlan Turǵymbaev málim etti, dep habarlaıdy QazAqparat.
«Mas kúıinde jasalatyn jáne rıtsıdıvtik quqyqbuzýshylyqtardyń qosymsha ádisteri men formalary ornatylady. Atap aıtqanda, jazasyn óteýden shartty túrde merziminen buryn bosatylǵan adamdarǵa alkogoldik ishimdi ishýge tolyq tyıym salynady»,- dep atap ótti E. Turǵymbaev.
Sonymen qatar mınıstrdiń orynbasary buryn sottalǵan adamdarǵa qatysty ákimshilik qadaǵalaýdy belgileý úsh jyldan bastap, sottylyǵy joıylatyn merzimge deıin uzartylatynyn jetkizdi.
Budan bólek ol ákimshilik turǵyda ustaýǵa tartylǵan adamdarǵa merzimdi 3-ten 24 saǵatqa deıin ulǵaıtý engizilip otyrǵanyn atap ótti.
«Olardyń quqyqtary men mindetteri, sondaı-aq ustaý sharty bekitiledi», - dedi Erlan Turǵymbaev.
Jalpy otyrysta palata depýtattary «Qazaqstan Respýblıkasynyń keıbir zańnamalyq aktilerine ishki ister organdarynyń qyzmetin jetildirý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
