Merzimdi qyzmetin aıaqtaǵan áskerı qyzmetshiler zapasqa shyǵarylýda

NUR-SULTAN. QazAqparat - Qarýly Kúshterde belgilengen merzimdegi áskerı qyzmetin atqarǵan áskerı qyzmetshilerdi zapasqa jiberip jatyr, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Bıyl mindetti áskerı boryshtaryn ótegenderdi zapasqa shyǵarý 15 maýsym men 31 shilde aralyǵynda ótedi.

Sanıtarlyq-epıdemıologııalyq sharalarǵa sáıkes shyǵaryp salý saltanatty túrde ótkizilmeıdi, alaıda áskerı dástúrli rásimder uıymdastyrylady. Merzimdi áskerı qyzmettegi áskerı qyzmetshiler bólimderdiń jaýyngerlik týymen qoshtasyp, alańda saltanatty sappen júrip ótedi.

Jóneltý kezinde áskerı qyzmetshiler medıtsınalyq betperdelermen jáne zalalsyzdandyrý quraldarymen qamtamasyz etilip, áskerı oqytylǵan rezerv retinde jergilikti basqarý organdaryna esepke alynatyn bolady.

2020 jyly áskerge shaqyrý naýqanynyń pandemııaǵa sáıkes keıinge shegerilýine baılanysty sarbazdardy shyǵaryp salý maýsym-shilde aılaryna aýystyryldy.